Zrugg uf de Südinsle

Community Highlights Oceania Zrugg uf de Südinsle

Ma isch da schön zum wieder eso underwex z'sii!
Do chunnt e gwüssi Backpackerstimmig uf, und jedi Mengi Deja vu's.
De Flugi us Wellington isch also bi unschlagbarem Wetter in Queenstown glandet - wahnsinnig spektakulär!

20240218_135232.jpg

20240218_125259.jpg

Me cha in Queenstown s'gliiche BusChärtli bruuche zum mittem ÖV umefahre - bin mir vorcho wie e Iheimischi.
Sofort vom Flughafe is Hostel - säb wiederum isch sehr lokal glege xi, mit grosszügiger Ussicht zum Fenster us.

20240218_192050.jpg

Ich bin mir chli go dFüess vertrette ad Waterfront füre. Klar isches verruckt hübsch do, aber das cheibe Queenstown isch eifach immer überloffe.
Het sich usegstellt, dass jo denk gad sChinesisch Neujohr isch, und ez alli Chinese uf die MS Earnslaw wönd:

20240218_105048.jpg

Überhaupt isch überall alles usbuechet, es git chuum Mietautos oder nur scho Busverbindige wo me chönnti nutze. Ich han zwar mini Underkünft scho buechet gha, aber ich suech scho sit Wuche en Weg wieme vo QT uf CHC (Queenstown uf Christxhurch) chunnt - alles usverchauft..!
Jänu, me git joo nöd uf.

20240218_113223.jpg

Uf all Fäll bin jo ich nöd für AdrenalinFerie do wie di meiste in QT.
Mir isches vielmeh noch Rueh und abschalte.

20240219_131303.jpg

Also bin ich mir mis Mietäuteli go abhole (das han ich mir für 3 Täg ergatteret, mueses aber am gliiche Ort wieder abgeh) und am Wakatipu See entlang uf das Glenorchy gfahre.

20240219_132013.jpg

Eso verruckt schön! De Wakatipu isch eine vode Seeä mittem klarste / suuberste Wasser weltwiit (Platz 2 nochem Lake Mckenzie uf Fraser Island, Queensland, Australie - bini auscho xi, hübsch döte).

Hejo uf all Fäll hani die viele verschiedene Blautön gnosse und wie sich dWasseroberflächi mit em Wind / de Wolke immer wieder neu verfärbt.
Teils isches xi, als ob sLiecht usem See use chunnt..:

20240219_132406.jpg

Mues mi definitiv chürzer fasse! Also mis Ziel isch am gegenüberliegende Ufer xi und de Weg döt ane beschriibi ez nöd i Wort:

20240219_145633.jpg
20240219_145644.jpg
20240221_120730.jpg

Herrlich wie's dWolke denn verrisse het und's richtig sunnig worde isch.
Kinloch selber isch es putzherzigs Resörtli, uf jedere Verfüegbare Flächi hends Solarzelle und dUssicht isch fantastisch!

20240219_153157.jpg
20240219_153614.jpg

Ich han mich also samt Lektüre und emne Rotwyli uf de Lounge parkiert, schön uf es Schoffell und ine Decki ighuddlet, ready für de Sunneundergang am 9ni zNacht.

20240219_172200.jpg

A propos zNacht: wo's chalt gnueg worde isch bini i die gmüetlich Gaststube go ichehre:

20240219_181455.jpg

Momol, do chame sich's 2 Tag lang guet go loh, chli go umewandere und dSeel baumle lo.

20240220_092921.jpg

Hani also gmacht. Am Morge wachi zu Gitarrekläng uf und woni dTüre ufmach hocket döt dä Belgier und spielt i einere Rueh chli gmüetlichi Musig.

20240220_095028.jpg
20240220_110159.jpg

Ich gönn mir es feins zMorge und gang denn husch da Puzzle vo letschtem Obig go fertig mache - potz, wenn han ich mir s'letscht mol für sones 1000er Ziit gnoh? Schön z'wüsse dasi sones Ding immerno innerhalb vo 4h 'bodige chan.

20240221_102342.jpg
20240221_101626.jpg

Denn bini chli go wandere. Und prompt ghöri doch öppis im Wald und xeh 2 Bambis, gad öppe 10m vo mir ewegg! Sooo herzig. De eint jung Hirsch isch öppe gliich gross xi wie ich! Mir hend enand e halbi Minute lang ungläubig agstarret und denn sind's verstobe.

20240221_160330.jpg

Ich bin zrugg richtig QT gröstet, bin chli uf Arrowtown (alti Goldgräberstadt) go spaziere und in Canyon abegüxle.

Hejo und denn hani doch im Irish Pub äne abgmacht. Im Zentrum vo QT han ich also de Hamlin troffe. Ihn kenni no vo Melbourne her und er isch mittlerwiile in QT en Barmanager. Lustig, wie's die Zuefäll git! Ich han ihn dozmol im 2018 am Joe vorgstellt (dä hani vo Adelaide her kennt). Und lueg au do, de Joe isch ebefalls in QT und managet au e Bar, also simmer zu ihm eis, zwei go zieh:

IMG-20240221-WA0004.jpg

Herrlich, sones Wiederseh..! Wienes Klassetreffe vo 3 Barmanager...

Ich han denn tatsächlich für am nöchste Tag kein Transport uf Christchurch gfunde! Jänu, tüemer halt wiedermol stöpple!
Au lässig, aber für esone Distanz (5:30h fahrt), völlig suboptimal.

Ich han's also noch de erste Mitfahrglegeheit, wo mich es Stuck wiit mitgnoh hend, ufgeh und bin an Flughafe! Taaatsächli bini denn halt gfloge!

20240223_065602.jpg
20240222_223416.jpg
20240222_223214.jpg

Jänu, i ha's emel probiert. Mues jo hüt Obig im 'Gfängnis' go schlofe - säb isch s'ehemalige Christchurch Prison und di nöchst Underkunft am Bahnhof zue.

20240223_073406.jpg

Ich mues nämli am nöchste Morge früeh use und uf de epischi TranzAlpine Zug!!!
Also e Zuglinie (git jo fascht kei Züüg in Neuseeland!), wo vode Ostküste (CHC) quer über dAlpe via Arthur's Pass ad Westküste.

Glaub i mue ez eifach e Schwetti Bilder obtue für das, und verzell denn nöchst Wuche wiiter.
Han pressant und de Blog lauft susch völlig isem Rueder...

20240223_122417.jpg
20240223_092957.jpg
20240223_115417.jpg
20240223_112630.jpg
20240223_101712.jpg

This featured blog entry was written by DriftersTrace from the blog Studiere in Neuseeland.
Read comments or Subscribe

By DriftersTrace

Posted Mon, Feb 26, 2024 | Comments